| Necesidades |
Veñen recollidas no informe do Coordinador de Seguridade que figura neste expediente, que sinala:
“As competencias municipais sobre vixilancia das praias derivan do establecido no artigo 115 d) da lei 22/1988 de Costas. Segundo dito artigo, as competencias municipais abarcan a vixilancia e primeira intervención nas praias.
Así mesmo, a Lei 5/1997, do 22 de xullo, da Administración local de Galicia establece no seu artigo 80.2 como competencias propias do Concello a “seguridade en lugares públicos” e, no artigo 81 indica que corresponde a aqueles con poboación superior a 20 mil habitantes a protección civil.
O Decreto 152/2021, do 21 de outubro, polo que se regulan as condicións para o exercicio profesional das actividades de socorrismo acuático, información e primeiros auxilios, no seu artigo 2 establece a figura do persoal auxiliar de información e primeiros auxilios coas funcións auxiliares de información, primeiros auxilios e apoio do persoal de socorrismo acuático.
Na presente tempada de praias, dadas as limitacións impostas pola Xunta de Galicia para a obtención da titulación de socorrista acuático, o Concello de Ferrol non dá cuberto as prazas necesarias para realizar ditas funcións auxiliares polo que é necesaria a contratación da figura do auxiliar que complete a carencia de socorristas. Así mesmo, a disposición por parte do servizo de material náutico fai necesaria a contratación desta figura coa titulación de patrón de embarcacións.
Por ditos motivos, consideramos absolutamente necesario e urxente a contratación, a través dun contrato menor, dunha empresa que aporte dito servizo de persoal auxiliar e patrón de embarcación durante a tempada de praias 2022 como complemento ao servizo de socorrismo.
O contrato establecido para a realización de dito servizo non supón, en ningún momento, para o Concello ningún tipo de vinculación económica posterior. Así mesmo, o Concello non ten capacidade para poder realizalo cos seus propios medios.” |
