Os datos persoais dos usuarios serán tratados coas medidas de seguridade necesarias de acordo co previsto no artigo 9 da Lei Orgánica 3/2018, de 5 de decembro, de Protección de Datos de Carácter Persoal e o Título VIII do Real Decreto 1720/2007, de 21 de decembro, polo que se aproba o Regulamento de desenvolvemento da Lei Orgánica 3/2018, de 5 de decembro, de Protección de Datos de Carácter Persoal. Así mesmo, garantirase a confidencialidade dos datos e non se comunicarán a terceiros fóra dos casos necesarios para xestionar os servizos proporcionados a través desta sede electrónica así como os previstos na normativa vixente, non podéndose utilizar, en ningún caso, para fins comerciais. Calquera usuario poderá exercer en calquera momento o seu dereito de acceso, rectificación, cancelación e oposición sobre os seus datos persoais, na forma legalmente prevista, ante o Concello de Ferrol, Praza de Armas s/n, 15402 Ferrol.

NORMATIVA APLICABLE

• Capítulo III do Regulamento de Participación Cidadá do Concello de Ferrol, aprobado polo Pleno do Concello de Ferrol o 9 de xullo de 2009 (publicado no BOP da Coruña núm. 256, do 02/12/2009).
• Instruccións para a aplicación do capítulo III do Regulamento de Participación Cidadá no relativo a suxestións e reclamacións.

INFORMACIÓN

• Enténdese por suxestión calquera proposta destinada a mellorar a prestación dun servizo de índole municipal ou a calidade do mesmo.
• As reclamacións serán aquelas que se presenten en relación ás deficiencias dun servizo municipal e teñan por obxecto a corrección das mesmas, estando excluídas todas aquelas que teñan un contido económico, versen sobre un procedemento xudicial aberto ou teñan por obxecto a revisión dun acto municipal.
• Todos os cidadáns teñen dereito a presentar reclamacións e suxestións sobre as materias de competencia municipal e sobre o funcionamento dos servizos.
• A presentación dunha reclamación ou suxestión require a presentación de copia do documento oficial de identidade ou á súa exhibición ante o/a funcionario/a do Rexistro Xeral do Concello.
• Tanto as persoas físicas como as xurídicas poden exercer este dereito.
• As reclamacións formuladas no presente modelo en ningún caso terán a cualificación de recursos administrativos nin paralizarán os prazos establecidos na normativa vixente para interpoñelos.
• O reclamante pode desistir en calquera momento da súa petición, mediante declaración expresa dirixida ao Concello de Ferrol.