O alcalde de Ferrol, José Manuel Rey Varela, avanzou que a Xunta de Goberno local aprobou adxudicar a prestación de servizos no teatro Jofre, auditorio, Centro Cultural Torrente Ballester/Capela e outros espazos e nas actividades culturais promovidas polo Concello á empresa Klemark Espectáculos Teatrales S.A.

A contratación deste servizo foi adxudicada a dita empresa cunha parte fixa para a xestión ordinaria dos espazos por un importe de 673.985,14 euros/ano (IVE incluido), cun aforro de 110.806 euros sobre o tipo de licitación. Este servizo estaba sen contrato dende o ano 2018.

Entre as melloras presentadas pola agora adxudicataria están unha mesa de son para a súa instalación no teatro Jofre e 20 unidades de proxectores. O prazo de execución do contrato será de dous anos, contados dende o día seguinte ao de formalización, e o contrato poderá prorrogarse por outros dous anos máis.

ÓPERA TOSCA

Os amantes da ópera poderán desfrutar o próximo día 20 de novembro do espectáculo Tosca de Puccini, no teatro Jofre, tras ser adxudicada a súa contratación á empresa Ópera 2001 SL por un importe de 8.470 euros (IVE incluido).