O tenente alcalde e concelleiro de Participación, Javier Díaz Mosquera, avanzou hoxe en comisión os datos das chamadas recibidas no Concello de Ferrol o pasado mes de outubro. “En total foron 4.106 as chamadas que recibimos en outubro, e como sempre, a Oficina de Atención Cidadá foi a que tivo un maior reclamo, xa que atendeu 2.745 chamadas”.

Outros dos departamentos que recibiron o maior volumen de consultas foron: o Centro de Recursos Informáticos (288), Intervención (143), Recadación (143), Edificio Social (143), Secretaría Xeral (72), Centro Cívico de Caranza (72) e Urbanismo (47).

En canto aos mails recibidos en informacion@ferrol.es foron 58 e respostáronse na súa totalidade.

“Nesta liña de facilitar a comunicación dos veciños co Concello de Ferrol seguiremos traballando”, afirmou Díaz Mosquera, quen recordou que tamén está habilitado á entrada do concello un buzón de suxestións para “fomentar a participación cidadá”.