O Concello de Ferrol requiriu á empresa instaladora do parqué do pavillón municipal de A Malata para acomenter os traballos de acondicionamento da superficie; uns traballos que comezaron esta mesma mañá.

As deficiencias do pavimento afectan as condicións de xogo e mesmo á integridade física dos deportistas usuarios das instalacións, que albergan as competicións oficiais de O Parrulo (fútbol sala) e do Baxi (baloncesto feminino).

Os traballos de urxencia, que se prolongarán durante dúas xornadas, están encamiñados a solventar as dilatacións aparecidas no parqué, e que motivaron xa na pasada temporada as queixas dos clubes.

As entidades deportivas foron derivadas a outros pavillóns municipais mentras se desenvolve a reparación.