luns, 15 de maio de 2023
A Xunta de Goberno Local aproba o proxecto para rehabilitar o local sociocultural de Serantes
É unha actuación cofinanciable polo Plan de Recuperación, Transformación e Resiliencia
A Xunta de Goberno Local celebrada esta mañá aprobou o proxecto básico e de execución para a rehabilitación integral do local sociocultural de Serantes, localizado no número 25 da Avenida 19 de Febreiro.
Trátase dunha actuación cofinanciable polo Plan de Recuperación, Transformación
e Resiliencia (Programa de Impulso á Rehabilitación de Edificios Públicos de titularidade
local-Pirep local), que aporta 215.777,15 euros, e o Concello sufragará o resto do importe
do proxecto, que en total ascende a 605.000 euros (con impostos).
