venres, 17 de marzo de 2023
O Concello reparará a fachada traseira do inmoble 9-11 da rúa Ortigueira, en Recimil
A concelleira de Obras e Servizos, Ana Lamas, explicou que se procederá ao cosido, reparación e selado de fendas para a realización dun novo revestimento con morteiro. Tamén está previsto impermeabilizar a fachada e selar as ventás
O Concello de Ferrol vai reparar nas próximas datas a fachada traseira do inmoble 9-11 da rúa Ortigueira, que da á rúa Euskadi, no barrio de Recimil, posto que presenta deficiencias, como pequenas fendas e manchas de humidades concentradas en diversas zonas, especialmente encima dos linteis das ventás, o que pode producir desprendementos do revestimentos.
Tal e como explicou esta mañá a concelleira responsable das áreas de Obras e
Servizos, Ana Lamas, nestes inmobles municipais procederase ao cosido, reparación e
selado de fendas para a realización dun novo revestimento con morteiro compatible con
muros de pedra, pintarase e impermeabilizarase a fachada cos cores actuais e selarase o
encontro das ventás, incluíndo os recercados.
Tamén no barrio de Recimil, na actualidade o Concello de Ferrol está a avanzar na
rehabilitación dos inmobles 3-4 da rúa Somozas, unha operación cofinanciable nun 80%
polo Fondo Europeo de Desenvolvemento Rexional (FEDER) no marco do Programa
Operativo Plurirrexional de España FEDER 2014-2020 ao abeiro da Estratexia de
Desenvolvemento Urbano Sostible e Integrado (EDUSI) “Ría de Ferrol, Cidade 2020”.
