venres, 17 de marzo de 2023
O Concello substituirá o peche do parque infantil de Esteiro por outro de cores que integre as novas mesas picnic na zona de xogos
A concelleira de Obras e Servizos, Ana Lamas, lembrou que recentemente se instalou un novo xogo camión de bombeiros e renovouse a pintura do resto de elementos
O Concello de Ferrol vai substituír nos próximos días o valo do parque infantil de Esteiro, localizado entre as rúas Naturalista Seoane e Españoleto, no marco do plan de renovación que se executou neste espazo, que incluíu a renovación da pintura de todos os xogos, a instalación dun novo —un camión de bombeiros— e a colocación de dous mesas picnic na zona verde próxima á zona infantil.
Agora, o Concello vai renovar por completo o actual valo da zona de xogos por
outro de cores, en aceiro galvanizado, de preto dun metro de alto. Tal e como explicou a
concelleira de Obras e Servizos, Ana Lamas, este novo valo busca integrar as novas
mesas picnic na zona de xogos, polo que no lateral paralelo á rúa Ánimas quedará
aberto. Neste senso, a edil indicou que tamén recentemente se colocaron outras dúas
mesas picnic na zona verde próxima á Biblioteca Universitaria do Patín.
