martes, 14 de marzo de 2023
O Concello oferta un novo curso para os membros que integran a Oficina municipal de Voluntariado de Ferrol
A concelleira responsable da área de Benestar Social, Eva Martínez Montero, explicou que se celebrará o martes 28 de marzo no centro municipal do barrio de Caranza
O Concello de Ferrol ofrece un novo curso de formación aos membros que integran a Oficina municipal de Voluntariado, arredor de 60 persoas. Neste caso, tal e como informou a concelleira de Benestar Social, Eva Martínez Montero, trátase dunha nova edición do Curso Básico de Voluntariado, para 15 persoas, que terá lugar o martes 28 de marzo de 9.30 a 14 horas, no centro municipal de Caranza. As persoas que desexen participar, de balde, poden inscribirse na Oficina municipal de Voluntariado e optar ao curso.
Dividirase en dous módulos. O primeiro, de 9.30 a 11.30 horas, abordará a
normativa de acción voluntaria, os dereitos e deberes das persoas voluntarias e riscos da
acción voluntaria. Será impartido por Ricardo Puertas Mosquera, técnico do Concello
de Cambre, experto en acción voluntaria. No segundo, de 12 a 14 horas, tratarase unha
introdución ao ámbito da participación social, o perfil do voluntariado e os seus ámbitos
do voluntariado. Estará impartido por Vanessa Míguez Martín, técnica de Cooperación
e Voluntariado da Universidade de Coruña.
Pódese atopar máis información sobre a Oficina de Voluntariado do Concello de
Ferrol na web: https://www.ferrol.gal/Shared/Contidos/89
