Neste senso, o proxecto aprobado hoxe é unha actuación coa que se pretende conectar ao servizo de saneamento de augas residuais preto de 15 vivendas situadas no entorno do Camiño do Bosque, na ladeira sur da conca vertente ao Rego dá Sardiña, nas proximidades da estrada da rede provincial DP-3603, ao tempo que renovar a rede de abastecemento de auga potable, que se verá afectada pola execución desta conexión. O prazo de execución é de 4 meses. Cabe sinalar “que se trata dunha actuación coa que damos resposta a unha demanda veciñal posto que ditas vivendas carecen deste servizo”, explicou Reina. 

Por outro lado, o tamén concelleiro de Urbanismo e Contratación indicou que a Mesa de Contratación do Concello propuxo hoxe para adxudicación por importe de 29.5000 euros a subministración de 50 chalecos de protección balística, corte e punzón de uso externo para o corpo da Policía Local de Ferrol.