O rexedor estivo acompañado polo concelleiro de Urbanismo, Julián Reina, técnicos municipais e responsables da obra. O alcalde percorreu os tres tramos actualmente en obras, desde San Diego ata Sáchez Barcáitegui, e supervisou os últimos remates na colocación da lousa de granito de 20 centímetros de espesor na marxe das vivendas dos dous primeiros quinteiros. En canto a estes dous tramos, explicou que a próxima semana pulirase o formigón da calzada do primeiro e colocarase a ringleira de adoquín entre a beirarrúa e o formigón, segundo o modelo da rúa Sol. En canto ao segundo, tamén a próxima semana está prevista a colocación da capa de formigón en calzada, ao que seguirá o seu pulido. En ambos tramos, ademais, plantaranse as novas árbores antes de que remate o mes de marzo. En canto ao terceiro, nas próximas datas comezará a colocación das novas beirarrúas a base de lousa de granito. 

Ante o avance das obras, a finais da próxima semana comezarán os traballos no cuarto quinteiro, entre as rúas Sánchez Barcáiztegui e Coruña. Para elo, desde mañá mesmo colocaranse carteis informativos para trasladar á veciñanza que non se poderá estacionar neste tramo a partir de finais de semana. En canto aos vehículos que saen do aparcamento do mercado municipal, habilitarase unha saída cara á rúa Sánchez Barcáiztegui, en sentido ascendente, ata a rúa Magdalena, onde deberán xirar á esquerda. Pola súa banda, manterase o sentido descendente da rúa Sánchez Barcáiztegui ata Magdalena.