Web Municipal do Concello de Ferrol

Inicio Concello De actualidade Novas

Comparte esta páxina

xoves, 09 de marzo de 2023

O Concello intensifica as medidas de dinamización da cidade coa posta en marcha do servizo gratuíto City-tren, que percorrerá as principais zonas comerciais ao longo de todo o ano

Durante os próximos 12 meses sairá á rúa máis de 450 horas para converterse nun reclamo máis co que ganar visitantes nas zonas de comercio e promover a actividade económica de Ferrol. Súmase a iniciativas como a recente campaña de promoción do comercio local, actividades na rúa ou mercados como RegalArte ou MercaEntroido, que reuniron a multitude de visitantes. O obxectivo é desestacionalizar o uso deste atractivo turístico

O Concello de Ferrol continúa coa posta en marcha de accións orientadas á dinamización da actividade económica e de sectores como o turístico, o comercial ou o hostaleiro. Tras a campaña municipal ‘Bonos comercio Ferrol’, na que participaron máis de 160 establecementos da cidade, a divulgación de emprendedores locais a través de 15 vídeos baixo o título ‘O noso comercio, a nosa historia’, que logrou preto de 588.000 reproducións (https://www.youtube.com/@FerrolOficial/videos), actividades na rúa durante Nadal ou a celebración de mercados como MercaEntroido ou RegalArte, agora o Concello suma unha nova iniciativa para dinamizar a cidade coa posta en marcha do servizo gratuíto City-tren, que percorrerá as principias zonas comerciais durante 453 horas ao longo dos próximos doce meses.

Deste modo, o goberno local que dirixe Ángel Mato busca desestacionalizar o tren turístico, habitual en Nadal, Semana Santa e en tempadas puntuais de verán. O fin é que este servizo gratuíto se converta “nun reclamo máis para seguir ganando visitantes nas zonas comerciais e promover así a actividade económica da nosa cidade”, apuntou a concelleira responsable da área de Turismo, Eva Martínez Montero, quen explicou que non será necesario ticket para acceder ao tren. Así, ademais de en Nadal, verán ou Semana Santa, o tren municipal sairá á rúa en xornadas nas que se celebren eventos, algúns fins de semana ou a petición do sector comercial.

Máis actividade na rúa

A edil explicou que o City-tren estará dispoñible tamén para as entidades de comerciantes que presenten a súa solicitude ante o Concello con motivo da celebración dalgunhas das actividades que celebran ao longo do ano. “Entre todos seguirmos colaborando para que Ferrol sega crecendo”, dixo. Neste senso, puntualizou que “percibimos que cada vez hai máis persoas que se achegan ao centro, especialmente as fins de semana, e seguiremos poñendo en marcha iniciativas que consoliden esta tendencia que beneficia a sectores como o comercial, o hostaleiro e o turístico”.