Para rematar o expediente da proposta ferrolá faltan tres documentos, todos eles xa iniciados. Conti será o encargado de executar un deles, a revisión do mesmo, e para elo, no mes de abril, visitará Ferrol co obxectivo de realizar visitas técnicas aos bens incluídos no expediente e manter unha nova reunión na que analizar coas partes involucradas o traballo desenvolvido ata agora. Pola súa banda, e “como mostra da boa relación entre administracións, o Concello vén de lograr que a Administración autonómica se faga cargo dos outros dous documentos, o plan de xestión e o plan de turismo sostible “sempre baixo a coordinación do Concello de Ferrol”, indicou a edil. Durante a reunión tamén se acordou que no mes de setembro o expediente da proposta ferrolá quedará rematado e listo para que a Xunta o eleve ao Consello de Patrimonio Histórico. 

Mentres, o Concello de Ferrol continúa coa posta en marcha de iniciativas que “logren involucrar á cidadanía” e “den a coñecer os bens que integran o expediente”. Polo momento, a través da web deseñada pola Administración local dedicada específicamente á candidatura (https://ferrolpatrimoniomundial.gal/es/home/), rexistráronse 6.585 apoios. 

A Asamblea Xeral do Eixo Atlántico celebrada en Lugo a finais de febreiro aprobou por unanimidade apoiar a candidatura de Ferrol a Patrimonio Mundial, o que demostra “o gran interese que xera para as cidades portuguesas e españolas da zona”, indicou a edil.