mércores, 25 de xaneiro de 2023
O prazo para subsanar as xustificacións dos beneficiarios das axudas municipais do PAME-3 remata o día 2 de febreiro
Pode realizarse a través da Sede Electrónica do Concello
O prazo para subsanar as xustificacións das medianas e pequenas empresas e autónomos que cobraron as axudas municipais do Plan de Mantemento e Impulso da Actividade Económica (PAME-3), impulsado polo Concello para apoiar aos sectores da restauración e hospedaxe, ocio nocturno, comercio local e cultura con motivo da crise económica polo covid-19, remata o día 2 de febreiro. Pola súa banda, os que aínda non presentaron a documentación necesaria poderán facelo ata o 9 de febreiro nun prazo improrrogable. Poden consultarse as listaxes provisionais no Taboleiro de Anuncios do Concello, no enlace https://www.ferrol.gal/Sede/TaboleiroAnunciosAmpliar/578
O procedemento para presentar a documentación será exclusivamente a través da
Sede Electrónica do Concello de Ferrol (procedemento 001 de solicitude xenérica), no
enlace : https://www.ferrol.gal:8443/cividas-core-web-ferrol/. Para consultas e dúbidas,
os solicitantes poden dirixirse ao Concello a través do correo axudaspame@ferrol.es.
