A finalidade de crear o Instituto Municipal de Deportes “é retomar o modelo que funcionaba ata o 2012, e que o facía con moi bo resultado”, apuntou. Tal como “nos trasladan os clubes deportivos da cidade, e así o cremos tamén firmemente dende o goberno local, dispoñer dun órgano autónomo administrativo que se encargue de xestionar e manter as instalacións, de promover o deporte, de organizar competicións e de conceder axudas ás entidades é moito máis operativo”, indicou. Neste Concello “temos as dúas experiencias de xestión: directa e a través dun órgano autónomo, como foi o Patronato de Deportes”, e “é practicamente unánime a percepción de que cun órgano autónomo funcionaba infinitamente mellor”. 

É un “compromiso que adquirimos ao inicio do mandato, pero é certo que as cousas, normalmente, son moito máis sinxelas de destruír que de construír”. O “goberno do PP conseguiu en só un ano demoler o Padroado de Deportes. Reconstruír agora esa infraestrutura administrativa é bastante máis complexo”.