Novas

venres, 20 de xaneiro de 2023

O Concello amplía ata o día 30 de xaneiro o prazo para participar no ciclo ‘Teatro Veciñal’, con obradoiros impartidos por Helga Méndez

A inscrición pode formalizarse a través do correo electrónico teatrovecinal@ferrol.es ou no teléfono 697 842 625


O Concello amplía ata o día 30 de xaneiro o prazo para participar no ciclo ‘Teatro Veciñal’, con obradoiros impartidos por Helga Méndez

O Concello de Ferrol amplía ata o 30 de xaneiro o prazo de inscrición, de balde, para participar no ciclo municipal ‘Teatro Veciñal’, con obradoiros impartidos pola ferrolá Helga Méndez. A actividade comezou esta mesma semana e prolongarase ata o mes de xuño. Mestura sesións prácticas con encontros, a creación de obras orixinais e a representación de pezas teatrais. 


 Méndez imparte as formacións os martes de 18.00 horas a 21.00 horas no centro municipal municipal Torrente Ballester e os venres de 18.00 a 21.00 horas no local social de Pazos. O alumnado esta divido en dous grupos, un por día, cun máximo de 20 persoas. 

As persoas interesadas poden anotarse a través do correo electrónico teatrovecinal@ferrol.es ou no teléfono 697 842 625. Os documentos para formalizar a inscrición tanto no Torrente Ballester como no local social de Pazos poden atoparse na web municipal, no Taboleiro de Anuncios https://www.ferrol.gal/Sede/TaboleiroAnuncios

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar