martes, 17 de xaneiro de 2023
O Concello rexistra xa preto de 5.600 apoios da cidadanía á candidatura de Ferrol a Patrimonio Mundial
As persoas interesadas poden sumarse á iniciativa no enlace https://ferrolpatrimoniomundial.gal/adhesions/
O Concello de Ferrol continúa gañando apoios á candidatura de Ferrol a Patrimonio Mundial ‘Cidade de Ferrol. Porto da Ilustración’, un proxecto de cidade no que se pretende involucrar a axentes sociais, culturais e económicos da cidade. É unha “ilusión compartida”, explicou a concelleira de Patrimonio Histórico, Eva Martínez Montero, co convencemento de que “Ferrol cumpre cos requisitos e criterios para ser declarada algún día Patrimonio Mundial”, apuntou.
A edil mostrouse “moi satisfeita” polo “importante respaldo” que está a ter a
candidatura e animou á poboación a rexistrar o seu apoio a través da páxina web
deseñada polo Concello de Ferrol para promover a proposta ferrolá:
https://ferrolpatrimoniomundial.gal/. No apartado Cidade de Ferrol pódense formalizar
novas adhesións.
Martínez Montero engadiu que nesta plataforma se atopa información de utilidade
sobre a candidatura, que forma parte da Lista Indicativa da UNESCO a Patrimonio
Mundial desde o 27 de abril de 2007, e sobre os bens que a integran.
