sábado, 14 de xaneiro de 2023
O Concello prepara cinco proxectos para aglomerar camiños e estradas en Covas, Esmelle, Doniños e Papoi
A concelleira de Medio Ambiente, Obras e Servizos, Ana Lamas, explicou que entre eles está a estrada a Faro Prior, que incluirá unha senda peonil que con miradoiros, barandas, zonas de descanso e sinalización
O Concello de Ferrol vén de encargar a redacción de proxectos básicos e de execución para un total de cinco novos aglomerados en varios tramos do rural: na estrada de Faro Prior e para unha senda para peóns (Cobas); no camiño C-35 (Cobas-Esmelle); estrada Ferrol-Doniños-San Xurxo (Doniños); camiño de Argo do Cal (Doniños); e camiño Confurco-Fontá (Papoi). En total, está previsto aglomerar arredor de 6.450 metros de lonxitude.
Tal e como explicou a concelleira de Medio Ambiente, Obras e Servizos, Ana
Lamas, no primeiro caso, na parroquia de Cobas, está previsto o aglomerado de preto de
3.600 metros entre os tramos DP-3603-camiño da cetárea e entre este e o faro. Neste
último, ademais, definirase unha senda peonil, paralela á estrada, dun mínimo de 2 metros
de ancho, que incluirá miradoiros, barandas, zonas de descanso e sinalización.
O segundo proxecto encargado é para aglomerar tramos no camiño C-35 (CobasEsmelle), cunha lonxitude total de máis de 700 metros, e o terceiro para actuar na
parroquia de Doniños, no tramo de estrada Ferrol-Doniños-San Xurxo (estrada do Vilar),
no que se aglomerará arredor de 450 metros.
Tamén se encargou proxecto básico e de execución para aglomerar na parroquia de
Doniños un tramo do camiño de Argo do Cal (Fonte da Abelleira), cunha lonxitude
aproximada de 1.150 metros, e un tramo do camiño Confurco-Fontá (Papoi), de máis de
550 metros de lonxitude. Nestas últimas dous intervencións, proxectarase tamén a
formación dun murete de contención na zona de noiro sen estabilizar.
