venres, 13 de xaneiro de 2023
O Concello estrea no rescate dunha foca ferida na praia de Santa Comba o vehículo de intervención 4x4 adquirido recentemente
Sucedeu na mañá de onte e o animal foi trasladado á Unidade de Coidados Intensivos de mamíferos de Nigrán
O Concello de Ferrol estreo na mañá de onte durante o rescate dunha foca ferida na praia de Santa Comba o vehículo de intervención 4x4 UTV (Utility Task Vehicle) que adquiriu recentemente para ampliar os medios loxísticos da Agrupación de Protección Civil de Ferrol.
Tal e como explicou esta mañá o edil de Seguridade, Germán Costoya, tras o
aviso dun particular a través do servizo 112 a Agrupación de Protección Civil de Ferrol
procedeu ao rescate do animal unha vez os técnicos da Coordinadora para o Estudo dos
Mamíferos Mariños (CEMMA) valorara o exemplar e recomendara a súa recollida e
traslado á Unidade de Coidados Intensivos (UCI) de mamíferos de Nigrán. Neste senso,
Costoya apuntou que se trata dun “magnífico estreo” para o novo vehículo da área de
Seguridade do Concello de Ferrol.
Por parte da Agrupación de Protección Civil, participaron no rescate tres efectivos
da Unidade de Medio Ambiente e dous do Grupo Operativo de Apoio (GOA).
