Novas

mércores, 04 de xaneiro de 2023

O alcalde e os voceiros dos grupos municipais acordan unha declaración institucional en defensa da instalación en Ferrol do polo I+D en enerxías renovables

Ángel Mato xa manifestara en varias ocasións ao longo dos últimos días que o centro que se vai crear no marco do Fondo de Transición Xusta anunciado polo Ministerio para a Transición Ecolóxica “ten que estar obrigatoriamente aquí, na cidade, porque Ferrol é o centro dunha comarca que xa está a liderar a industria da eólica mariña e con ambiciosos proxectos en marcha relacionados co hidróxeno verde”. O rexedor reiterou que “a localización máis evidente” para a sede deste novo polo é o Centro de Innovación e Servizos (CIS) da Cabana, pero se non é posible instalar o polo alí o Concello “estaría disposto a ceder un espazo municipal axeitado ás n


O alcalde e os voceiros dos grupos municipais acordan unha declaración institucional en defensa da instalación en Ferrol do polo I+D en enerxías renovables

O alcalde de Ferrol, Ángel Mato, e os voceiros dos grupos municipais do Concello —Bloque Nacionalista Galego, Ferrol en Común, Partido Popular e Partido Socialista— acordaron unha declaración institucional para demandar á Xunta de Galicia a instalación en Ferrol da sede do polo de I+D en enerxías renovables, mariñas e almacenamento que se vai crear no marco do Fondo de Transición Xusta anunciado o pasado 21 de decembro polo Ministerio para a Transición Ecolóxica e o Reto Demográfico logo de que a Comisión Europea aprobara o Programa de Transición Xusta de España, que inclúe o Plan Territorial de Transición Xusta. Nel inclúense as actuacións elixibles para executar os 868 millóns de euros correspondentes ás axudas do Fondo de Transición Xusta, dos que se beneficiarán os territorios afectados polo peche de minas de carbón e centrais térmicas dese combustible. O 96 % desa dotación económica, da que a Galicia lle corresponden 111 millóns de euros, será xestionada polas Administracións autonómicas. 


Mato xa manifestara en varias ocasións ao longo dos últimos días que dito polo “ten que estar obrigatoriamente aquí, na cidade, porque Ferrol é o centro dunha comarca que xa está a liderar a industria da eólica mariña e que tamén ten en marcha ambiciosos proxectos relacionados co hidróxeno verde”. De feito, foi o propio Goberno galego o que incluíu entre as súas iniciativas para a comarca este polo cando en xaneiro de 2022 celebrou en Ferrol o Consello da Xunta, entón presidido por Feijoo.

Tal e como recolle o texto da declaración institucional, a cidade de Ferrol e o seu ámbito xeográfico de influencia son líderes a día de hoxe no campo da eólica mariña logo de que a industria desta comarca tomara parte nos máis importantes proxectos desenvolvidos en Europa, teña en carteira novos contratos e estea transformando as súas instalacións para poder atender a crecente demanda do sector. 

Ademais, estanse a desenvolver iniciativas relacionadas co hidróxeno verde da man das principais compañías enerxéticas e da capacidade da industria naval de Ferrolterra. Por todo elo, a Corporación municipal de Ferrol entende que a creación dun polo de I+D en renovables mariñas e almacenamento en Galicia debe materializarse en Ferrol. 

A posibilidade máis evidente, o CIS da Cabana, segundo o alcalde
Mato xa manifestara en varias ocasións que “a localización máis evidente” para a sede deste novo polo é o Centro de Innovación e Servizos (CIS) da Cabana, o que dotaría de maior contido esta instalación, “pero se non é posible instalar o polo alí existen alternativas na cidade”, apuntou o alcalde da cidade. Por ese motivo, mostrouse disposto a ceder un espazo municipal axeitado ás necesidades do proxecto. Neste senso, o alcalde tamén invitou esta semana á Autoridade Portuaria de Ferrol a unirse ao apoio á creación en Ferrol do polo de I+D en enerxías renovables, mariñas e almacenamento. 

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar