Novas

xoves, 12 de maio de 2022

O alcalde recibirá mañá aos traballadores do CAMF para recoller as súas demandas e trasladarllas ao Imserso

O voceiro do goberno local, Julián Reina, asistiu hoxe á concentración convocada polo comité de empresa e a asociación de usuarios do centro para reclamar melloras


O alcalde, Ángel Mato, recibirá maña ao comité de empresa do Centro de Atención a Persoas con Diversidade Funcional de Ferrol (CAMF) para recoller as demandas que tanto o persoal coma a asociación de persoas residentes no centro están a formular. O obxectivo da reunión é dispoñer de información de primeira man, facilitada polos propios interesados, e así poder trasladarlla ao Imserso na procura de solucións á problemática do CAMF. 


O voceiro do goberno local, Julián Reina, asistiu hoxe á concentración convocada pola comunidade do centro, para interesarse polas súas reivindicacións, que inclúen tanto cuestións de carácter laboral como referidas á modernización do edificio. No transcurso dun breve encontro no marco da manifestación, o concelleiro acordou cos representantes laborais que lle poidan comunicar directamente ao alcalde os detalles das súas peticións. Reina comprometeuse a que, unha vez fale cos traballadores, o rexedor contactará co Goberno central co fin de facerlle chegar os asuntos que se traten na xuntanza e comprobar en que punto se atopan os trámites conducentes á mellora do servizo. 

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar