Novas

xoves, 20 de xaneiro de 2022

A lista de distribución de WhatsApp Ferrol+Conectado superou a finais de ano os 3.400 subscritores

As redes sociais do Concello rozan xa os 24.130 seguidores. O número do servizo é o 608 736 834, e para darse de alta só hai que agregalo á axenda de contactos e enviar unha mensaxe coa palabra “alta” e o nome e apelidos do solicitante


A lista de distribución de WhatsApp Ferrol+Conectado superou a finais de ano os 3.400 subscritores

O servizo Ferrol+Conectado, a lista de difusión a través de WhatsApp do Concello, superou a finais do ano 2021 os 3.400 subscritores, que a diario se informan da actualidade municipal a través desta canle de comunicación. Con esta cifra, o conxunto de redes sociais do Concello de Ferrol rozan os 24.130 seguidores, xa que a páxina de Facebook supera os 12.100, o perfil de Twitter ten máis de 6.670, o de Instagram roza os 1.650 e o novo grupo de Facebook ‘Ferrol Participa’, activo desde finais de ano con información concreta sobre anuncios municipais, convocatorias de interese para o cidadá, cursos e obradoiros e prazos de inscrición, conta xa con preto de 300 seguidores. 


Ademais de noticias, Ferrol+Conectado transmite avisos, incidencias, e actualizacións do Taboleiro de Anuncios do Concello. Trátase dun servizo que como canle de información cidadá traslada aos subscritores novas de interese para os cidadáns. O número do servizo é o 608 736 834, e para darse de alta só hai que agregalo á axenda de contactos e enviar unha mensaxe a través de WhatsApp coa palabra “alta” e o nome e apelidos do solicitante. A lista de difusión está a emitir unha media de cinco mensaxes á semana e o límite está establecido en dous ao día. Ferrol+Conectado está deseñado exclusivamente como lista de difusión, polo que as mensaxes chegan de forma individual e os usuarios non teñen acceso aos contactos do resto dos subscritores. Así mesmo, tampouco serve para o envío de mensaxes ao Concello. 

Novo grupo con anuncios, convocatorias, cursos e obradoiros 
Desde o pasado mes de novembro ás redes sociais do Concello súmase o novo grupo de Facebook ‘Ferrol Participa’, que xa conta con preto de 300 seguidores. Inclúe información concreta sobre anuncios municipais, convocatorias de interese para o cidadá, cursos e obradoiros e prazos de inscrición.

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar