Novas

luns, 17 de xaneiro de 2022

Preto de 20 persoas comezan un novo curso de construción organizado polo Concello, Cáritas e Apecco destinado a persoas en risco de exclusión

A concelleira de Benestar Social, Eva Martínez Montero, participou esta mañá na inauguración deste novo ciclo, que constará dun total de 540 horas entre formación e prácticas


Preto de 20 persoas comezan un novo curso de construción organizado polo Concello, Cáritas e Apecco destinado a persoas en risco de exclusión

A concelleira de Benestar Social, Eva Martínez Montero, participou esta mañá na sede de Cáritas na inauguración da segunda edición do curso de reforma de interiores e revestimentos grazas á colaboración entre o Concello de Ferrol, Cáritas e Apecco (Asociación Provincial de empresarios da construción da Coruña). Nesta ocasión participan un total de 19 persoas, que gozará dun total de 540 horas —60 de formación en prevención de riscos laborais, outras 72 de formación específica nesta materia, 96 horas de prácticas en empresas e o resto formación práctica no Centro municipal de Emprego—. 


A concelleira felicitou esta mañá aos participantes e lembrou a “boa inserción laboral” que tivo a anterior edición, que rematou en xuño do pasado ano, e o “alto nivel de especialización do curso”. Animou aos integrantes a rematar a formación e a aproveitar “a excelente oportunidade” que supón formar parte deste curso. 

Tamén participaron na inauguración Marta Pazo Paniagua, coordinadora xeral de Cáritas, quen destacou o éxito do programa na súa primeira edición, e Juan Carlos Fernández Herrero, director de formación de Appeco, quen destacou o futuro do sector da construción e encomiou a “boa colaboración co Concello de Ferrol” para desenvolver esta iniciativa. 

Este curso de reformas de interiores e revestimentos está incluído no Programa Operativo de Inclusión Social e Economía Social (Poises) 2020-2023 da UE e trátase dunha operación cofinanciada pola Unión Europea a través do Fondo Social Europeo (FSE) na súa maior parte, Inditex e Concello de Ferrol en colaboración con Appeco. 

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar