martes, 11 de xaneiro de 2022
O Concello celebrará a XXXVIII Carreira de San Xiao o próximo 23 de xaneiro
O edil de Deportes, Antonio Golpe, anunciou que as inscricións deben facerse na páxina web https://www.carreirasgalegas.com/
O Concello de Ferrol vai celebrar a tradicional carreira de San Xiao o próximo 23 de xaneiro, a partir das 11 horas. Esta XXXVIII edición estará aberta a todos os atletas ata un máximo de 600, federados ou non, tal e como explicou esta mañá o concelleiro de Deportes, Antonio Golpe.
O percorrido será de dez quilómetros e tanto a saída como a chegada situaranse
nas proximidades do pavillón municipal de Esteiro. As inscricións poderán efectuarse
desde hoxe, 11 de xaneiro, ata as 22 horas do día 20 de xaneiro a través da páxina
www.carreirasgalegas.com ou ata rematar dorsais. Haberá un máximo de 600 par as
categorías absolutas e 40 por categoría para as de menores. A retirada de chips e dorsais
poderase efectuar no pavillón polideportivo da Malata ao longo do venres 21 de xaneiro
(de 16:30 a 20:30) e o sábado 22 (de 9.30 a 13.30 e de 16:30 as 20:30 horas). Tamén o
domingo 23 de xaneiro, de 8 a 10:30 horas, no pavillón de Esteiro.
Premiarase aos tres primeiros clasificados masculinos e femininos de cada unha
das categorías absolutas e de menores. A entrega de trofeos terá lugar ao finalizar a
carreira, sobre as 12:30 horas, e o desenvolvemento desta edición cumprirá coas
recomendacións establecidas para eventos e actividades deportivas no contexto da
situación xerada pola covid-19.
Pode consultarse tanto o percorrido como o regulamento desta XXXVIII carreira
de San Xiao na web https://www.carreirasgalegas.com/carreira/xxxviii-carreira-popularsan-xiao/2b55c570-7762-c24d-7bc0-3a0131eeab1b.
